Լռության մեջ այնքան բառեր եմ թաղել,
Որ մի կյանքի պատմություն կգրեի,
Աչքերիդ մեջ այնքան խոսքեր եմ այրել,
Որ սահմանը անվերջության կանցնեի:
Ամեն ընկնող անձրևային կաթիլի մեջ
Հույսի շողեր եմ ես տեսել,
Դրա համար ես այս կյանքում շատ եմ սիրել
Ապրել, շնչել անձրևի մեջ:
ՈՒ քո քնքուշ անձրևային աչքերի մեջ
Այնքան հույսի, լույսի շողեր եմ նկատել,
Որ թե փորձեմ ես մի վայրկյան հուսալքվել,
Դու կարող ես մի հայացքով կյանքս փրկել...